Ծառը ընկել է Opel Astra G մակնիշի ավտոմեքենայի վրա

Մայիսի 8-ին, ժամը 18:31-ին «911» ծառայությանն ահազանգ է ստացվել, որ Երևան քաղաքի Գարեգին Նժդեհի փողոցի թիվ 8 շենքի մոտակայքում ծառն ընկել է Opel մակնիշի ավտոմեքենայի վրա. անհրաժեշտ է փրկարարների օգնությունը: Դեպքի վայր է մեկնել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը: Պարզվել է, որ ծառը պոկվել և ընկել է շենքի մոտակայքում կայանած Opel Astra G մակնիշի ավտոմեքենայի վրա: Փրկարարները մասնատել են ծառը և տեղափոխել անվտանգ տարածք: *** Հայաստանի ԱԻՆ-ում, մայիսի 8-ին, ժամը 18:50-ին «911» ծառայությանը տեղեկություն է ստացվել, որ քամու հետևանքով Արարատի մարզի Հայանիստ գյուղում տան տանիք է վնասվել: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ վնասվել է գյուղի Վան փողոցի թիվ 9 տան տանիքը (մոտ 400 քմ): *** Մայիսի 8-ին, ժամը 18:46-ին «911» ծառայությանը տեղեկություն է ստացվել, որ Արարատի մարզի Այնթապ գյուղում տան տանիք է վնասվել: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ ամբողջությամբ վնասվել է գյուղի թիվ 13 փողոցի 13-րդ նրբանցքի թիվ 38 տան թիթեղյա տանիքը (150 քմ): *** Մայիսի 8-ին, ժամը 18:16-ին «911» ծառայությանը տեղեկություն է ստացվել, որ ուժեղ քամուց ամբողջությամբ վնասվել են Արարատի մարզի Մարմարաշեն համայնքի դպրոցի և հարակից սեփական տների տանիքները: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ քամուց շրջվել են դպրոցի տանիքի թիթեղները (մոտ 54 քմ), թիվ 36 փողոցի թիվ 9 տնակի տանիքը (մոտ 80 քմ), թիվ 41 փողոցի թիվ 34 տան տանիքը (մոտ 30 քմ):