Գալստյանն արձագանքեց՝ նշելով, որ Փաշինյանը հրաժարվում է բոլոր գործիքներից, օրինակ միջազգային ատյաններից հայցերի հետ վերցնելը, որոնք մեզ ուժեղացնում են, հետո ասում է, թե ոչինչ չի զիջում:
«Հայցերի հետ վերցման պահըն ուժի մեջ է մտնում համաձայնագիրը ստորագրելուց և ուժի մեջ մտնելուց հետո: Այդ հայցերը հետ վերցնելը վերաբերում է ոչ միայն Հայաստանին, այլ նաև Ադրբեջանին, այդ հայցերը հետ վերցնելու արդյունքում որքան Հայաստանն է թուլանալու, այնքան թուլանելու է Ադրբեջանը»,- ասաց Փաշինյանը:
Վարչապետը հարց բարձրացրեց՝ ՀՀ-ն, Հայաստանի ժողովուրդը ուզո՞ւմ է շարունակել Ղարաբաղյան շարժումը, թե չի ուզում շարունակել: «Ես ազնիվ գտնված չեմ լինի, եթե շատ ուղիղ այս ամբիոնից իմ կարծիքը չասեմ այն արձանագարումից հետո, որոնք նախկինում արել եմ հենց այս ամբիոնից՝ կառավարության զեկույցների քննարկման ժամանակ՝ ասելով, թե ինչպես է օգտագործվել Ղարաբաղյան շարժումը Հայաստանի պետականության չկայացման ճանապարհին:
Առանց սեթևեթանքի ուզում եմ վստահ ու աներկբա ասել՝ ես կարծում եմ, որ մենք Ղարաբաղյան շարժումը չպետք է շարունակենք: Այն խաղաղությունը, որի ճանապարհով մենք գնում ենք գերիների հարցի լուծման ամենաէֆեկտիվ ճանապարհն է, պարզապես ավելի էֆեկտիվ ճանապարհ չունի և մեր ընկալումը համապարփակ է և ամբողջական»,- հայտարարեց Փաշինյանը: