Հայաստանում իշխանություն–եկեղեցի սրված հարաբերություններին է անդրադարձել ԱՄՆ-ում բնակվող բանաստեղծ և քաղաքացիական ակտիվիստ Արմինե Դավթյանը։ Իր նոր ստեղծագործության մեջ նա քննադատում է Նիկոլ Փաշինյանի ղեկավարած իշխանությունների գործողությունները Հայ Առաքելական եկեղեցու և հոգևորականների նկատմամբ։
Դավթյանի խոսքով՝ իր համար եկեղեցու շուրջ տեղի ունեցող իրադարձությունները ոչ միայն քաղաքական, այլև ազգային ինքնության պահպանման խնդիր են։ Ներկայացնում ենք նրա նոր բանաստեղծությունը։
«Երբ լռեցնում են զանգերը»
Երբ լռեցնում են մեր հին զանգերի ձայնը,
Ավելի բարձր է հնչում ժողովրդի ձայնը։
Երբ ձեռք են մեկնում մեր սրբության պատերին,
Աղոթքն է ուժ տալիս սպասող մայրերին։
Դուք կարող եք փակել հոգևորականի դուռը,
Բայց չեք կարող բանտել հավատն ու սերը։
Իշխանությունը կանցնի՝ ինչպես անցնում է օրը,
Իսկ եկեղեցին կպահի ժողովրդի աղոթքը։
Մի՛ դարձրեք Էջմիածինը պայքարի թիրախ,
Մի՛ բաժանեք ժողովրդին՝ դարձնելով օտար։
Հայոց զանգերը դեռ երկար պիտի ղողանջեն,
Երբ այսօրվա իշխանություններն արդեն պատմություն դառնան։
Արմինե Դավթյան
Արմինե Դավթյան