Ուկրաինացի և ռուսաստանցի ռազմական բլոգերների գնահատականներով, ՌԴ բանակը տարեսկզբից զբաղեցրել է ուկրաինական տարածքի 2395 քառակուսի կիլոմետր։ Սա գրեթե համապատասխանում է Լյուքսեմբուրգի տարածքին (2586 ք/կմ), պարզաբանում է Bild-ը։
«Համեմատության համար՝ 2024 թվականին ռուսաստանյան զորքերը գրավել էին 3388 ք/կմ։ Սա նշանակում է, որ նրանց առաջխաղացումն արագանում է։ Եթե միտումը պահպանվի, ապա մինչև այս տարվա վերջ Ուկրաինան կկորցնի ավելի քան 4 հազար ք/կմ։
Միայն հունիսին Ուկրաինայի ԶՈւ-ն երկու տասնյակ գյուղ է հանձնել։ Անձնակազմի պակասի պատճառով ուկրաինական հրամանատարությունը փոքր բնակավայրերի պաշտպանության համար տրամադրում է 5-10 մարդ, մինչդեռ նրանց վրա հարձակվում են 20-50 զինվորից բաղկացած ռուսաստանյան ջոկատներ։ Նույնիսկ եթե նրանք կորցնում են հարձակվողների կեսին՝ սպանվածներով և վիրավորներով, մնացածները հասնում են նպատակակետին և գրավում ՈւԶՈւ դիրքերը»,- նշում է Bild-ը։