Միացյալ Նահանգները 2008 թվականից ի վեր առաջին անգամ Մեծ Բրիտանիայի տարածքում մարտավարական միջուկային զենք է տեղակայել։ Դրա մասին հայտնել է բրիտանական UK Defence Journal պորտալը՝ հղում անելով աղբյուրներին։
Նշվում է, որ մի քանի B61-12 տակտիկական ջերմամիջուկային ռումբեր են տեղադրվել Անգլիայի արևելքում՝ Սաֆոլկ կոմսությունում տեղակայված Լեյքենհիթ ռազմաբազայում։ Պարբերականի տվյալներով՝ դրանք Անգլիա են հասցվել Նյու Մեքսիկոյի ամերիկյան Կիրտլենդ ռազմաօդային բազայից, որտեղ տեղակայված է ԱՄՆ ռազմաօդային ուժերի միջուկային զենքի կենտրոնը, և տեղադրվել են այդ նպատակով հատուկ կառուցված նոր պահեստում։
Լեյքենհիթումմիջուկային զենք էր պահվում 1949 թվականից, բայց այն հանվել է 17 տարի առաջ։ Մեծ Բրիտանիայի միջուկային զենքը ներկայում հիմնված է Vanguard դասի չորս սուզանավերի վրա, որոնք ամերիկյան Trident II (D5) բալիստիկ հրթիռներ են կրում։
UK Defence Journal-ը Ռուսաստանի հետ հարաբերությունների վատթարացման և զսպման վրա շեշտադրման աճող ազդեցության ֆոնին Անգլիա նման զենքի վերադարձի հնարավորության մասին հաղորդագրությունները «Եվրոպական տարածաշրջանում ՆԱՏՕ-ի միջուկային ռազմավարության լուրջ տեղաշարժ է անվանում»։