Ուկրաինայի Ազգային անվտանգության և պաշտպանության խորհրդի ղեկավար Ռուստեմ Ումերովի հայտարարությանը հղում անելով՝ Վլադիմիր Զելենսկին հայտարարել է, որ Ռուսաստանի և Ուկրաինայի պատվիրակությունների հաջորդ հանդիպումը նախատեսված է հուլիսի 23-ին և տեղի կունենա Թուրքիայում։
«Այսօր Ռուստեմ Ումերովի հետ քննարկեցի գերիների փոխանակման նախապատրաստական աշխատանքները և ռուսական կողմի հետ Թուրքիայում անցկացվելիք ևս մեկ հանդիպումը։ Ումերովը նշեց, որ հանդիպումը նախատեսված է չորեքշաբթի։ Ավելի մանրամասն տեղեկություն կտրամադրվի վաղը», — հայտարարել է Զելենսկին իր երեկոյան տեսաուղերձում։
Ավելի վաղ իր թելեգրամյան ալիքում տեղադրված տեսաուղերձում նա հայտնել էր, որ ռուսական կողմին այս շաբաթ բանակցությունների նոր փուլ անցկացնելու առաջարկը ներկայացրել է Ստամբուլում անցկացված բանակցություններում Կիևի պատվիրակության ղեկավար Ումերովը։