Ռուսական պատվիրակության ղեկավար Վլադիմիր Մեդինսկին Ստամբուլում կայացած բանակցություններից հետո հայտնել է, որ Մոսկվայի և Կիևի դիրքորոշումները «բավականին հեռու են», սակայն կողմերը համաձայնել են շարունակել շփումները, հաղորդում է «Коммерсантъ»-ը։
Մեդինսկին նշել է, որ Ռուսաստանն Ուկրաինային առաջարկել է բանակցությունների ընթացքում առցանց ռեժիմով գործող երեք աշխատանքային խումբ ստեղծել։
Խմբերը պատասխանատու կլինեն բանակցային գործընթացի ռազմական, քաղաքական և մարդասիրական բաղադրիչների համար։ Ուկրաինան համաձայնել է քննարկել այդ առաջարկը։
Հիշեցնենք, որ ռուս-ուկրաինական բանակցությունների երրորդ փուլը տեղի է ունեցել այսօր՝ հուլիսի 23-ին, Ստամբուլում։