Թել Ավիվի Հաբիմա հրապարակում և հարակից փողոցներում հազարավոր մարդիկ են հավաքվել բողոքի ցույցի՝ պահանջելով «պատերազմի դադարեցում և պատանդների վերադարձ», դրա մասին են վկայում հրապարակում տեղադրված մեծ էկրանները, հաղորդում է Times of Israel-ը։
Վարչապետ Բենիամին Նեթանյահուի հրեա քննադատների ամբոխն այնքան խիտ էր, որ բջջային հեռախոսակապի ծառայությունը խափանվում էր։
Հանրահավաքը սկսվել է զոհված զինվորների հիշատակին մեկ րոպե լռությամբ և զինծառայողների անվտանգության և պատանդների ազատ արձակման համար աղոթքով։ Կենտրոնական բեմին ամենամոտ ցուցարարները Իսրայելի դրոշներ էին ծածանում։
«Մահվան հրեշտակների համար ներում չկա», — վանկարկել են ցուցարարները վարչապետի դեմ։
Հրապարակի հակառակ ծայրում ձախակողմյան ցուցարարները պաստառներ էին պարզել, որոնցում Իսրայելին մեղադրում էին Գազայում ռազմական հանցագործությունների և ցեղասպանության մեջ և զինվորներին կոչ էին անում հրաժարվել ծառայությունից։
Փոքր-ինչ ավելի հեռու մի խումբ մարդիկ պաստառներ էին պահում «արժանապատիվ կրոնական սիոնիզմի» մասին կարգախոսներով։