Եվրոպական ավիաուղևորները շուտով , ըստ ամենայնի, կազատվեն ձեռքի ուղեբեռում հեղուկներ տեղափոխելու սահմանափակումներից։ Եվրահանձնաժողովը նախատեսում է մայրցամաքի օդանավակայաններում տեղակայել սարքավորումներ, որոնք կարող են սկանավորել խոշոր կոնտեյներների պարունակությունը, հաղորդում է Euronews-ը։
Գործող կանոններն արգելում են ձեռքի ուղեբեռում 100 մլ-ից մեծ տարողությամբ շշեր տեղափոխելը՝ բացառությամբ դեղորայքի և մանկական սննդի։
Մեծ շշերի մեջ պայթուցիկ նյութեր փնտրելու ունակ սարքեր արդեն տեղադրվել են մի քանի եվրոպական օդանավակայաններում։ Դրանց աշխատանքն արդեն դրական գնահատականի են արժանացրել Եվրոպական հանձնաժողովի փորձագետները, և այժմ սպասվում է Եվրոպական քաղաքացիական ավիացիայի համաժողովի որոշումը։ Դրանից հետո սահմանափակումների վերացումը կլինի «առաջիկա օրերի» հարց։
Սակայն մի շարք խնդիրներ դեռ պետք է լուծվեն. բոլոր եվրոպական տերմինալներն չեն կարող իրենց ավելի թանկ սարքավորումներ տեղադրելու շքեղությունը թույլ տալ։