Ֆլորենցիան ճանաչվել է Եվրոպայի լավագույն քաղաքը Travel + Leisure’s-ի 2025 թվականի World’s Best Awards մրցանակաբաշխության ժամանակ: Դա ընթերցողների քվեարկության արդյունքում կազմված հարցման արդյունք է, որը բացահայտում է ճանապարհորդների սիրելի վայրերը ամբողջ աշխարհում, հաղորդում է Euronews-ը։
Տոսկանայի մայրաքաղաքը զբաղեցրել է 11-րդ հորիզոնականը՝ այս տարվա վարկանիշային աղյուսակում ամենաբարձրը եվրոպական քաղաքների շարքում։ Համաշխարհային վարկանիշային աղյուսակը գլխավորում է մեքսիկական Սան Միգել դե Ալյենդեն, որին հաջորդում են Օախական և Տոկիոն։
Ընդհանուր առմամբ, լավագույն տասնյակում գերակշռում են Լատինական Ամերիկայի և Ասիայի քաղաքները, սակայն մի քանի եվրոպական քաղաքներ ևս բավականին բարձր դիրքեր են զբաղեցրել, որոնց ընթերցողները գովաբանել են իրենց մշակույթի, խոհանոցի և պատմական հմայքի համար։
Իտալիան միակ եվրոպական երկիրն էր, որի երեք քաղաքները՝ Ֆլորենցիան (11), Հռոմը (18) և Սիենան (23) ընդգրկվել էին լավագույն 25-յակում: Բոլորն էլ գովասանքի են արժանացել իրենց հավերժական գեղեցկության, հիանալի խոհանոցի և մշակույթի համար՝ սկսած դարավոր տաճարներից և տրատորիաներից (պանդոկներից) մինչև սալարկված փողոցներ։
Վարկանիշային աղյուսակում Ֆլորենցիային հաջորդում են անդալուզյան երկու քաղաքներ՝ Սևիլյան՝ 12-րդ և Գրանադան՝ 13-րդ հորիզոնականնեերում։ Երկուսն էլ հայտնի էին իրենց պատմական ժառանգությամբ և հինավուրց մթնոլորտային ճարտարապետությամբ։
Չնայած Ֆրանսիան աշխարհի ամենաշատ այցելվող երկիրն է՝ ամեն տարի ավելի քան 100 միլիոն զբոսաշրջիկով, այս տարի լավագույն 25-յակի մեջ ոչ մի քաղաք չի ընդգրկվել։