Թրամփը հստակ դիրքորոշում և վճռականություն է հայտնել այն ժամանակ, երբ շատ բան կարող է փոխվել ուժի շնորհիվ՝ հանուն իրական խաղաղության։ Սոցցանցերում նման հայտարարություն է արել Ուկրաինայի նախագահ Վլադիմիր Զելենսկին։
«Շնորհակալ եմ Թրամփին կյանքեր փրկելու և այս սարսափելի պատերազմը դադարեցնելու իր նվիրվածության համար։ Ուկրաինան շարունակում է հավատարիմ մնալ խաղաղությանը և անխոնջ կաշխատի Միացյալ Նահանգների հետ՝ մեր երկու երկրներն էլ ավելի անվտանգ և ուժեղ դարձնելու համար»։
Թրամփը շատ կարևոր հայտարարություն արեց: Եվ դա ճիշտ է. հենց Ռուսաստանն է անում ամեն ինչ՝ խաղաղության ջանքերը խաթարելու և պատերազմը երկարաձգելու համար։ Ամեն գիշեր հարվածներ են լինում, Ռուսաստանը շարունակ Ուկրաինային վնասելու փորձեր է անում։ Խաղաղությունն իսկապես հնարավոր է, եթե գործենք վճռականորեն և հաստատակամորեն, և բազմիցս հայտարարել ենք՝ և բոլոր գործընկերները գիտեն, որ պատժամիջոցներն առանցքային տարր են։
Ռուսաստանը հաշվի է առնում պատժամիջոցները։ Խաղաղությունը հնարավոր է ուժի միջոցով։ Ուկրաինան, ինչպես միշտ, պատրաստ է հնարավորինս արդյունավետ աշխատել Ամերիկայի, նախագահ Թրամփի հետ՝ այս պատերազմին արժանապատիվ և ամուր կերպով վերջ տալու համար», — նշել է Զելենսկին։