Մեծ Բրիտանիայի վարչապետ սըր Ուինսթոն Չերչիլի դրած ընթերցանության ակնոցը վաճառքի է հանվել ապշեցուցիչ գումարով, գրում է Daily Mail-ը։
Կլոր կրիայի խեցիով շրջանակով ակնոցը պատերազմի ժամանակ վարչապետի համար պատրաստել են լոնդոնցի օպտիկայի մասնագետ «C.W. Dixey and Sons»-ը: Չերչիլի մահվան ժամանակ նրա երեք զույգ ակնոցը դեռևս նրանց մոտ էր, որոնք հետագայում գտնվել են նրանց արխիվներում։
Երեք զույգ ակնոցներից մեկը, որը պատրաստվել է 1954 թվականին և որը Չերչիլը դրել է վարչապետի պաշտոնում իր երկրորդ ժամկետի ընթացքում, այժմ վաճառվում է 59 հազար 955 ֆունտ ստեռլինգով։
Ակնոցի ու ինքնօրինակ մուգ կապույտ պատյանի հետ կցվում է արտադրողի ստորագրված ծագման նամակը։
Չերչիլը «C.W. Dixey and Sons» խանութի երկարամյա հովանավորն էր և իր առաջին պատվերը կատարել է 1910 թվականին։ Նա հայտնի դարձավ ընկերության 1805 մոդելի շրջանակները դնելով, որոնք առանձնանում էին յուրահատուկ կլորավուն ձևով և քթարմատի հատվածում բանալու անցքով։
Յուրաքանչյուր զույգ ուշադիր ընտրվել էր նրա դեմքին համապատասխան, և Չերչիլի նկարագրությունների համաձայն՝ դրանք քունքերի վրա ներառում էին տարբեր քանակությամբ սպիտակ կետեր՝ կախված դրանց նպատակից։ Դա մի տեսակ կոդ էր, որը օգնում էր ակնոցները միմյանցից տարբերակել։ Այս ակնոցների վրա առկա միակ սպիտակ կետերը ցույց են տալիս, որ Չերչիլն դրանք օգտագործել է ընթերցանության համար։ Մյուս զույգերը ստեղծվել են ելույթների, նկարչության և գրելու համար։ Ակնոցը վաճառում է Բրիստոլում գործող Paul Fraser Collectibles-ը։
«Այս զույգ ակնոցը պատրաստվել է Չերչիլի համար 1954 թվականին և որոնք նա դրել է վարչապետության երկրորդ ժամկետի ընթացքում։ Ուինսթոն Չերչիլի ակնոցների այս զույգը, անկասկած, բրիտանական պատմության լավագույն նմուշներից մեկն է, որը մենք երբևէ հաճույքով ենք ներկայացրել», -պատմում է ընկերության խոսնակը։
1777 թվականին հիմնադրված «C.W. Dixey and Sons» ընկերությունըև շարունակում է գործել, աշխարհի ակնոց արտադրող ամենահնագույն անկախ ընկերությունն է։
Տասնամյակներ շարունակ այն ակնոց է արտադրել թագավորական ընտանիքի համար։ Մյուս հայտնի հաճախորդների թվում է եղել Ջեյմս Բոնդի հեղինակ Իան Ֆլեմինգը։