Լեհաստանի Շեցին քաղաքի ոստիկանության դեպարտամենտը հայտնել է անօրինական միգրանտների ձերբակալման մասին այսպես կոչված «սթափ առավոտի» ժամանակ, հաղորդում է Onet-ը։
Ոստիկանները ստուգել են քաղաքից դուրս եկող վարորդներին Պոզնան մայրուղով, որը, ի թիվս այլ բաների, տանում է դեպի A6 մայրուղի և լեհ-գերմանական սահման։ Մեքենայում եղել է յոթ տղամարդ։
Մեքենան վարել է Ուզբեկստանի 32-ամյա քաղաքացի, և մեքենայի բեռնախցիկում ոստիկանները հայտնաբերել են վեց տղամարդու՝ առանց անձը հաստատող փաստաթղթերի։
Նախնական տվյալներով, սրանք, ամենայն հավանականությամբ, Էրիթրեայի քաղաքացիներ են, որոնք անօրինական կերպով տեղափոխվել են սահմանով Լիտվայից Լեհաստան, ասել է ավագ տեսուչ Աննա Գեմբալան։
Միգրանտներին տեղափոխող վարորդը վարորդական իրավունք չի ունեցել։ Ինչպես հայտնել է մամուլի քարտուղարը, նա ոստիկաններին բացատրել է, որ ուղևորվում է դեպի Գերմանիա։ Բոլոր ձերբակալվածները տեղափոխվել են բաժանմունք։ Սահմանապահ ծառայությանը տեղեկացվել է միջադեպի մասին։ Քաղաքային ոստիկանությունը հայտարարության մեջ ընդգծել է, որ «գործը գտնվում է մշակման փուլում», և ծառայությունները կհետաքննեն «անօրինական մաքսանենգության հետ հնարավոր կապերը»։ Հուլիսի 7-ին Լեհաստանը վերականգնեց Գերմանիայի և Լիտվայի հետ սահմանների ժամանակավոր վերահսկողությունը, որի շրջանակներում սահմանապահ ծառայության աշխատակիցները՝ ոստիկանության և տարածքային պաշտպանության զինվորների աջակցությամբ, կանգնեցնում են Լեհաստան մտնող ընտրված տրանսպորտային միջոցները ստուգման համար: Մեկ ամսից էլ պակաս ժամանակահատվածում միայն Արևմտյան Պոմերանյան վոյևոդությունում կանխվել է մի քանի տասնյակ մարդկանց սահմանի անօրինական հատումը: