Բրիտանիայի ներքին գործերի նախարար Իվետ Կուպերը հայտարարել է, որ այս միջոցը կօգնի Մեծ Բրիտանիային ավելի լավ «հետևել մաքսանենգների խմբավորումներին և պայքարել դրանց դեմ»։ Պահպանողական կուսակցությունն այդ նախաձեռնությունն անվանել է «վերնագրերում հայտնվելու հուսահատ փորձ, որն իրականում ոչինչ չի փոխի»։
2025 թվականի ընթացքում, հուլիսի վերջի դրությամբ, ավելի քան 25 հազար անօրինական միգրանտ փոքր նավակներով Ֆրանսիայից անցել է Մեծ Բրիտանիա՝ հատելով Լա Մանշը, հայտնում է BBC-ն։
Անցյալ ամիս Մեծ Բրիտանիան և Ֆրանսիան պայմանավորվել են «մեկը ժամանեց, մեկը մեկնեց» փորձնական ծրագրի շուրջ, որի նպատակն է միգրանտներին հետ պահել նեղուցը հատելուց։ Ժամանածների մի մասին կվերադարձնեն Ֆրանսիա, իսկ փոխարենը Մեծ Բրիտանիան կընդունի համարժեք թվով ապաստան հայցողների՝ անվտանգության ստուգումներ անցնելու պայմանով։