Տուլայի մարզային դատարանը մեկ տարվա ազատազրկման է դատապարտել Ադրբեջանի քաղաքացուն, որը մարզկենտրոնում Հավերժական կրակի վրա կարիքներ է հոգացել, РИА Новости-ին հայտնել են դատարանի մամուլի ծառայությունից։
«2025 թվականի մարտի 26-ին, հասարակական վայրում վկաների ներկայությամբ, անօրինական ներգաղթյալը կարիքներ է հոգացել քաղաքի կենտրոնական ավտոկայանի մոտ խոյացող՝ «Մեծ հայրենական պատերազմի ժամանակ Տուլա քաղաքի հերոս պաշտպաններին» («սվին») հուշահամալիրում տեղադրված Հավերժական կրակի վրա»,- ասված է հաղորդագրության մեջ։
Դատարանը պարզել է, որ Ադրբեջանի քաղաքացին ալկոհոլի ազդեցության տակ է եղել Ռուսաստանի ռազմական փառքի խորհրդանիշները պղծելու և Հայրենիքի պաշտպանների հիշատակը վիրավորելու պահին (ՌԴ Քրեական օրենսգրքի 354.1 հոդված, 3-րդ մաս): Լսումների ընթացքում մեղադրյալը լիովին ընդունել է իր մեղքը և զղջացել իր գործողությունների համար։