Հրշեջները վերահսկողության տակ են վերցրել Ֆրանսիայի հարավում վերջին 50 տարվա խոշորագույն հրդեհը, DW-ին հայտնել են տեղական իշխանությունները։
Նարբոնի տարածքում հրշեջների գործողությունը կշարունակվի, և հրդեհը լիովին մարելը հնարավոր կլինի միայն մի քանի օրից, հայտնել են տեղական պրեֆեկտուրայից։ «Դեռ շատ անելիք կա»,- ըստ Ֆրանսպրես գործակալության՝ նշել է պրեֆեկտ Քրիստիան Պուժեն։
Հրդեհի մարմանը մասնակցում են ավելի քան 2000 հրշեջ և 200 ժանդարմ։ Երեքշաբթի Օդ դեպարտամենտում բռնկված հրդեհն արդեն ոչնչացրել է ավելի քան 17 հազար հեկտար բուսականություն, այդ թվում՝ 800-900 հեկտար խաղողի այգիներ։ Հրդեհի հետևանքով մահացել է մեկ կին, վիրավորվել է մեկ տասնյակից ավելի մարդ։ Տեղական պրեֆեկտի տվյալներով՝ օգոստոսի 8-ի դրությամբ մոտ 2000 տարհանված բնակիչներ չեն կարողանում վերադառնալ իրենց տները։