ԱՄՆ նախագահ Թրամփը հայտարարել է, որ կկարողանա պարզել՝ արդյոք համաձայնության կարելի՞ է հասնել Վլադիմիր Պուտինի հետ իր հանդիպման «հավանաբար առաջին երկու րոպեների ընթացքում», թե՞ ոչ։ Դրա մասին հաղորդում է Sky News-ը։
«Սա պատերազմ է, որը երբեք չպետք է տեղի ունենար։ Սա պատերազմ է, որը չէր լինի, եթե ես նախագահ լինեի։ Այն երբեք չէր լինի»,- կրկնել է նա։
Թրամփը հավելել է, որ իր կարծիքով Պուտինը ցանկանում է «վերջ դնել պատերազմին»։
«Ես սա մի քանի անգամ ասել եմ, և հետո հիասթափվել եմ, քանի որ հիանալի հեռախոսազրույց եմ ունեցել նրա հետ, որից հետո հրթիռներ են արձակվել Կիևի կամ որևէ այլ վայրի վրա»,- ասել է նա։