ԱՄՆ Ազգային գվարդիայի զորքերը սկսել են ժամանել Վաշինգտոն, որտեղ նրանք մնալու են մինչև սեպտեմբերի վերջ, հաղորդում է NBC-ն։
Լիարժեք հանդերձանքով զորքերը ուղևորվում են Կապիտոլիումից արևելք ընկած Վաշինգտոնի Ազգային գվարդիայի շտաբ-բնակարան:
«Զինծառայողներին տեղեկացվել է, որ իրենց առաքելությունը կտևի մինչև սեպտեմբերի 25-ը», — նշվում է հրապարակման մեջ։
Նախօրեին Պենտագոնը Վաշինգտոն է ուղարկել ԱՄՆ Ազգային գվարդիայի մոտ 800 զինծառայողի՝ քաղաքում հանցագործության դեմ պայքարելու համար: Զինվորների պարտականությունները ներառում են վարչական և լոգիստիկ գործառույթներ, ինչպես նաև իրավապահ մարմինների աշխատակիցներին օգնություն:
ԱՄՆ նախագահ Դոնալդ Թրամփը հայտարարել է, որ Ազգային գվարդիան ուղարկում է Վաշինգտոն՝ «օրենքի և կարգուկանոնի վերականգնմանը նպաստելու համար»։ Նա նշել է, որ Վաշինգտոնի ոստիկանությունը դրվել է դաշնային անմիջական վերահսկողության տակ՝ ջանքերին օգնելու համար։