ԱՄՆ պետական բյուջեի դեֆիցիտը հուլիսին կազմել է 291,143 միլիարդ դոլար, ինչը 19,4%-ով գերազանցում է նախորդ տարվա նույն ամսվա ցուցանիշը, հայտնել է երկրի ֆինանսների նախարարությունը։
Եկամուտներն աճել են 2,5%-ով՝ հասնելով 338,492 միլիարդ դոլարի։ Մաքսատուրքերը բյուջե են բերել 27,7 միլիարդ դոլար, ինչը գրեթե չորս անգամ գերազանցում է անցյալ տարվա ցուցանիշը (7,1 միլիարդ դոլար)։
Ծախսերն աճել են 9,7%-ով՝ հասնելով 629,635 միլիարդ դոլարի, ինչը հուլիսի համար առավելագույն ծավալ է։ Դրանց թվում պետական պարտքի տոկոսային վճարումները կազմել են 91,9 միլիարդ դոլար։
2025 ֆինանսական տարվա տասը ամիսների ընթացքում, որը սկսվել է հոկտեմբերի 1-ին, ԱՄՆ բյուջեի բացասական հաշվեկշիռը տարեկան արտահայտությամբ աճել է 7,4%-ով և հասել գրեթե 1,629 տրիլիոն դոլարի։
Մուտքերի ծավալն աճել է 6,4%-ով՝ հասնելով 4,347 տրիլիոն դոլարի։ Ծախսերն աճել են 6,7%-ով և կազմել 5,975 տրիլիոն դոլար։ Երկու ցուցանիշներն էլ ռեկորդային են։
Ինչպես ավելի վաղ հաղորդվել է՝ 2024 ֆինանսական տարվա արդյունքներով ԱՄՆ պետական բյուջեի բացասական հաշվեկշիռը կազմել է 1,83 տրիլիոն դոլար՝ աճելով 8%-ով։
Դեֆիցիտի ռեկորդային չափը՝ 3,1 տրիլիոն դոլար, երկրում գրանցվել է 2020 ֆինանսական տարվա արդյունքներով։ Վերջին անգամ բյուջեն հավելուրդով եղել է միայն 2001 ֆինանսական տարում։