Հայաստանի և Ադրբեջանի միջև Վաշինգտոնում կնքված համաձայնագիրը կարևոր է նախագահ Դոնալդ Թրամփի համար, ճեպազրույցի ժամանակ հայտարարել է Պետդեպարտամենտի խոսնակ Թեմի Բրյուսը։
«Սա կարևոր է այս վարչակազմի համար։ Սա կարևոր է ողջ աշխարհի համար… Շատերն են փորձել դա անել և պետք է նշել, որ նրանք եղել են եվրոպացիներ, ֆրանսիացիներ, Պուտինը և նույնիսկ Բայդենը, սակայն միայն նախագահ Թրամփին է հաջողվել համախմբել այս երկու երկրներին և ստանալ նրանց համաձայնությունը՝ այս պատմական խաղաղության համաձայնագրի վերաբերյալ։ Այնպես որ, կարծում եմ, աշխարհը հասկանում է, որ նա նվիրված է երկրների միջև երկարաժամկետ, ամուր խաղաղություն հաստատելուն՝ անկախ նրանից, թե որքան է տևել հակամարտությունը կամ թշնամանքը։ Եվ մենք տեսանք նաև նվիրվածությունը… նա ռեալիստ է, դա հիմնված է դիվանագիտության վրա, բայց նա կանի ամեն ինչ, որպեսզի առավելագույնս օգտագործի ԱՄՆ նախագահի պաշտոնի կողմից տրված հնարավորությունները և կանգնեցնի պատերազմները», — ասել է ներկայացուցիչը։