Իսրայելի վարչապետ Բենիամին Նեթանյահուն իսրայելական i24 հեռուստաալիքին տված հարցազրույցում Գազա քաղաքն անվանել է Համասի խմբավորման վերջին հենարանը, գրում է The Times of Israel-ը։
Նրա խոսքով՝ ՀԱՄԱՍ-ը անցել է «պարտիզանական պատերազմի», ինչից հետո Գազա քաղաքը դարձել է խմբավորման վերջին հենակետը։ Նեթանյահուն խոստացել է, որ Իսրայելի պաշտպանության բանակը կտարհանի քաղաքացիական բնակչությանը, նախքան քաղաք մտնելը և գրոհայինների դեմ գործողություններ սկսելը։ Այնուհետև Իսրայելի պաշտպանության բանակը կառաջանա դեպի Գազայի կենտրոնական հատվածում գտնվող փախստականների ճամբարներ և Մավասի շրջան, որը Նեթանյահուն բնութագրել է որպես ՀԱՄԱՍ-ի ոչ այնքան կարևոր հենակետ, որն ավելի հեշտ կլինի վերացնել բուն Գազայում գրոհայիններին ջախջախելուց հետո։
The Times of Israel-ը նշել է, որ նա նույն բանն ասել է Ռաֆահ քաղաքի մասին՝ 2024 թվականի փետրվարին CBS-ին տված հարցազրույցում։
Բացի այդ, Նեթանյահուն կրկնել է, որ Գազայի հատվածում ռազմական գործողությունների դադարեցման պայմանը, ինչպես նախկինում, մնում է ՀԱՄԱՍ խմբավորման կողմից պահվող իսրայելցի բոլոր պատանդների միանվագ ազատ արձակումը։
Աղբյուրը խոստովանել է, որ դա դժվար կլինի իրականացնել կարճ ժամանակահատվածում, քանի որ Իսրայելը պահանջում է, որ ՀԱՄԱՍ-ը վայր դնի զենքերը և լիովին հանձնվի՝ հրաժարվելով Գազայի հատվածի վերահսկողությունից։
ՀԱՄԱՍ-ը հայտնել է, որ Գազայի շարժման ղեկավար Խալիլ ալ-Հայյան ժամանել է Կահիրե՝ եգիպտացիների հետ բանակցություններ վարելու համար։