Ռուս ուսուցիչներին խորհուրդ է տրվել հետևել միգրանտ երեխաներ ունեցող դպրոցների աշակերտների խոսքի արտահայտություններին՝ նրանց մոտ հնարավոր իրավախախտումների հակում հայտնաբերելու համար։ Այս մասին հաղորդում է «Վեդոմոստի» թերթը՝ հղում անելով Կրթության նախարարության կողմից Ներքին գործերի և Կրթության և գիտության նախարարությունների հետ համատեղ պատրաստված մեթոդական առաջարկություններին։
Համաձայն փաստաթղթի՝ մանկավարժները պետք է ուշադրություն դարձնեն գրավոր աշխատանքներում արտահայտված այնպիսի մտքերին, որոնք անտարբերություն են արտահայտում պատմական հիշողության, ավանդական ռուսական արժեքների և պետական խորհրդանիշների նկատմամբ։ Նաև ուսուցիչները պետք է հետևեն միգրանտների երեխաների արձագանքին՝ «Կարևորի մասին զրույցներ» դասերի ժամերին և արձանագրեն քաղաքական, սոցիալական ու կրոնական թեմաների շուրջ զրույցների թվի կտրուկ աճի դեպքերը, եթե դրանցում հնչում են ծայրահեղական դատողություններ և դրսևորվում է անհանդուրժողականություն։
Առավել ամբողջական պատկեր ստանալու համար մանկավարժներին առաջարկվում է անցնել անանուն հարցումներ և անհատական զրույցներ անցկացնել աշակերտների հետ՝ ոչ պաշտոնական միջավայրում։