Ինդոնեզիայի Սուլավեսի կղզու կենտրոնական հատվածում կիրակի վաղ առավոտյան տեղի ունեցած 6,0 մագնիտուդով երկրաշարժի հետևանքով տասնյակ մարդիկ են վիրավորվել, հայտնել է երկրի Աղետների հետևանքների մեղմացման գործակալությունը (BNPB)։
Ըստ Reuters-ի, 10 կմ խորության վրա տեղի ունեցած երկրաշարժը ցնցել է Պոսո Ռիջենսի նահանգը և զգացվել մոտակա շրջաններում։
Գործակալության հայտարարության մեջ ասվում է, որ քսանինը մարդ վիրավորվել է, երկուսի վիճակը ծայրահեղ ծանր է։ BNBP-ն հավելել է, որ զոհերի մասին անմիջական տեղեկություններ չեն ստացվել։
Ինդոնեզիան գտնվում է այսպես կոչված «Խաղաղօվկիանոսյան հրե օղակում»՝ բարձր սեյսմիկ ակտիվության գոտում, որտեղ երկրակեղևի տարբեր սալեր հպվում են և մեծ թվով երկրաշարժեր առաջացնում։