Նախագահ Դոնալդ Թրամփը հայտարարություն է ստորագրել՝ ի հիշատակ Մինեապոլիսի կաթոլիկ դպրոցում տեղի ունեցած ողբերգության զոհերի։
«2025 թվականի օգոստոսի 27-ին Մինեսոտա նահանգի Մինեապոլիս քաղաքում տեղի ունեցած անիմաստ բռնության զոհերի հիշատակին և Ամերիկայի Միացյալ Նահանգների Սահմանադրությամբ և օրենքներով ինձ՝ որպես ԱՄՆ նախագահի, տրված լիազորությունների ուժով, հրամանագիր եմ ստորագրում, որ մինչև 2025 թվականի օգոստոսի 31-ի մայրամուտը Սպիտակ տանը և բոլոր պետական շենքերի ու տարածքների, բոլոր ռազմական կետերի և ռազմածովային կայանների, ինչպես նաև Կոլումբիայի շրջանում և ամբողջ Միացյալ Նահանգներում և նրա տիրույթներում տեղակայված դաշնային կառավարության բոլոր ռազմածովային նավերի վրա կբարձրացվի Միացյալ Նահանգների դրոշը կիսով չափ խոնարհված։ Ես հրամայել եմ նաև նույն ժամանակահատվածում դրոշը կիսով չափ խոնարհել ԱՄՆ բոլոր դեսպանատներում, դիվնագիտական ներկայացուցչություններում, հյուպատոսական հաստատություններում և արտասահմանում գտնվող ԱՄՆ այլ օբյեկտներում, ներառյալ բոլոր ռազմական օբյեկտները, նավերը և ռազմածովային կայանները»,- ասված է փաստաթղթում։
Հիշեցնենք, որ ԱՄՆ Մինեսոտա նահանգի Մինեապոլիս քաղաքի «Ավետում» կաթոլիկ դպրոցում https://news.am/arm/news/901282.html կրակոցների հետևանքով զոհվել է առնվազն երկու երեխա, իսկ մոտ 20-ը՝ վիրավորվել։