Պակիստանի արտաքին գործերի նախարար Իշաք Դարը «X» սոցիալական ցանցում հրապարակում է արել՝ կապված Հայաստանի հետ դիվանագիտական հարաբերությունների հաստատման հետ։
«Այսօր Հայաստանի արտաքին գործերի նախարար, Նորին Գերազանցություն Արարատ Միրզոյանը և ես ուրախ ենք ստորագրել Համատեղ կոմյունիկեն՝ Պակիստանի և Հայաստանի միջև դիվանագիտական հարաբերությունների հաստատման վերաբերյալ, և փոխանակվել դրանով Շանհայի համագործակցության կազմակերպության 25-րդ գագաթնաժողովի շրջանակներում՝ Տյանցզինում, Չինաստանում։
Մենք վերահաստատեցինք ՄԱԿ-ի Կանոնադրության սկզբունքներին և նպատակներին մեր հավատարմությունը և պայմանավորվեցինք համատեղ աշխատել՝ տարբեր, այդ թվում տնտեսության, կրթության, մշակույթի և տուրիզմի ոլորտներում, երկկողմ համագործակցության հետագա ամրապնդման համար», — գրել է Պակիստանի ԱԳ նախարարը։