Չեխիայի նախկին վարչապետ և ANO (Դժգոհ քաղաքացիների գործողություն) ընդդիմադիր շարժման առաջնորդ Անդրեյ Բաբիշը հարձակման է ենթարկվել նախընտրական հանրահավաքի ժամանակ: Քաղաքական գործչի գլխին հարվածել են մետաղական առարկայով, ըստ ТАСС-ի՝ հաղորդում է ČTK գործակալությունը:
Novinky պորտալի տվյալներով՝ հարձակվողը հենակ է օգտագործել: Դեպքը տեղի է ունեցել երկրի հյուսիսարևելյան Դոբրա գյուղում:
Դեպքից հետո Բաբիշը տեղափոխվել է Ֆրիդեկ-Միստեկի հիվանդանոց, որտեղ նրան ռենտգեն են արել: ANO-ի պատգամավոր Ալեշ Յուհելկան հաստատել է, որ նախկին վարչապետը մի քանի անգամ հարված է ստացել գլխին և հույս է հայտնել, որ նրա վիճակը լուրջ մտահոգություն չի առաջացնի:
Նախօրեին Բաբիշը քննադատել է Չեխիայի պաշտպանության ծախսերը ՀՆԱ-ի 5%-ին հասցնելու առաջարկը՝ այն անիրատեսական անվանելով: «Ես քաղաքական գործիչ եմ, որն աշխատում է չեխ ժողովրդի համար։ Մենք ենթականեր չենք։ Գուցե ինչ-որ մեկը պետք է բացատրի Թրամփին, որ 5 տոկոսն անհնար բան է»,- հայտարարել է նա։