Ըստ Գերմանիայի կանցլեր Ֆրիդրիխ Մերցի՝ անհրաժեշտ է ավելացնել Բունդեսվերի զինծառայողների թիվը՝ նախ կամավոր ծառայության միջոցով, իսկ եթե դա բավարար չլինի, կարող է վերականգնվել 2011 թվականին վերացված համընդհանուր զինվորական ծառայությունը։
Ապագայում, ըստ Ֆրիդրիխ Մերցի, հնարավոր է քննարկել կանանց համար զորակոչի հարցը, գրում է DW-ն։
«Հիմնական օրենքում հստակ նշված է, որ միայն տղամարդիկ կարող են զորակոչվել զինվորական ծառայության։ Արդյո՞ք դա համապատասխանում է ժամանակակից իրողություններին և արդյոք այն պետք է փոխվի՝ այդ հարցը պետք է քննարկվի քաղաքական և սոցիալ-քաղաքական մակարդակում»,- նշել է քաղաքական գործիչը։ Միևնույն ժամանակ, նա ընդգծել է, որ այս պահին դա առաջնահերթություն չէ։
«Ես կարող եմ պատկերացնել, բայց դա, անշուշտ, միայն երրորդ կամ չորրորդ քայլն է։ Նախ, մենք կանենք առաջին և երկրորդ քայլերը ճիշտ ուղղությամբ, իսկ հետո կշարունակենք քննարկումը»,- կանանց զինվորական ծառայության մասին նշել է Մերցը։