ԱԷՄԳ -ի և Իրանի միջև միջուկային բանակցությունները՝ Իսրայելի և Միացյալ Նահանգների ռմբակոծված վայրերում, դրանց թվում՝ վայրերում ստուգումների վերսկսման վերաբերյալ, չեն կարող տևել ամիսներ, չորեքշաբթի օրը Reuters-ին հայտնել է գործակալության ղեկավարը՝ պնդելով գործարքի կնքումն այս շաբաթվա մեջ։
ԱԷՄԳ-ն Իրանից որևէ տեղեկություն չի ստացել իր բարձր հարստացված ուրանի պաշարների վիճակի կամ գտնվելու վայրի մասին, երբ Իսրայելը հունիսի 13-ին իր հարստացման օբյեկտներին առաջին հարվածներն հասցրեց, հարցազրույցում հաստատել է ԱԷՄԳ-ի ղեկավար Ռաֆայել Գրոսին։
Թեհրանն այժմ օրենք է ընդունել, որը դադարեցնում է ԱԷՄԳ-ի հետ համագործակցությունը և սահմանում, որ ապագա ցանկացած ստուգումների համար անհրաժեշտ կլինի Իրանի Գերագույն ազգային անվտանգության խորհրդի թույլտվությունը։
Թեհրանը և ԱԷՄԳ -ն ներկայում բանակցություններ են վարում ստուգումների անցկացման վերաբերյալ։
«Սա այն բանը չէ, որը կարող է տևել ամիսներ շարունակ,- Վիեննայում ԱԷՄԳ-ի գլխավոր գրասենյակում տված հարցազրույցում հայտարարել է Գրոսին։ -Ես իսկապես հույս ունեմ, որ մենք շուտով կավարտենք այս գործընթացը։ Մենք փորձում ենք մեկ այլ հանդիպում անցկացնել, գուցե մի քանի օրից, այստեղ՝ Վիեննայում, որպեսզի ավարտենք դա և սկսենք ստուգումները։ Շատ լավ կլիներ, եթե մենք կարողանայինք համաձայնության հասնել այս հարցի շուրջ մինչև հաջորդ շաբաթ»։
Տեխնիկապես, Իրանում ստուգումները վերսկսվել են, երբ ԱԷՄԳ-ի տեսուչները վերջերս առաքելություն իրականացրին Բուշերում՝ Իրանի միակ գործող ատոմակայանում։