ԱՄՆ Ազգային գվարդիայի զորքերը կուղարկվեն Թենեսի նահանգի Մեմֆիս՝ հանցագործության դեմ պայքարելու համար: Որոշման մասին Fox News հեռուստաալիքի եթերում հայտարարել է ԱՄՆ նախագահ Դոնալդ Թրամփը:
«Մենք ուղևորվում ենք Մեմֆիս:Մեմֆիսը խոր ճգնաժամի մեջ է: Մենք մտադիր ենք այն շտկել, ինչպես վարվեցինք Վաշինգտոնում»,- ըստ գերմանական Deutsche Welle պարբերականի՝ նշել է Սպիտակ տան ղեկավարը:
Թրամփը Ազգային գվարդիայի զորքեր Մեմֆիս ուղարկելու իր մտադրության մասին հայտարարել է Չիկագո Ազգային գվարդիայի զորքեր ուղարկելու իր նախկին ծրագրերի դեմ դիմադրության ֆոնին:
Սեպտեմբերի 7-ին Չիկագոյում հազարավոր մարդիկ երթով դուրս եկան փողոց, իսկ Իլինոյսի դեմոկրատ նահանգապետ Ջեյմս Բի Փրիցկերը հայտարարել է, որ Թրամփն ամերիկյան քաղաքին «պատերազմով է սպառնում»: