2024 թվականին ֆրանսիական ընկերությունները ստացել են 21,6 միլիարդ եվրոյի զենքի պատվերներ: Դա երկրորդ ամենաբարձր պատմական ցուցանիշն է 2022 թվականից հետո, երբ նման ցուցանիշները հասցվել է 27 միլիարդի գագաթնակետին: Դրա մասին հաղորդում է Mediapart-ը՝ վկայակչելով խորհրդարանին Զինված ուժերի նախարարության ներկայացրած զեկույցը:
2024 թվականի արտահանման պատվերները գրեթե կրկնակի գերազանցում են վերջին տասը տարիների միջին ցուցանիշը, հաղորդում է RFI-ն: Դա, ի թիվս այլ ցուցանիշների, պայմանավորված է Սերբիային 12 Rafale կործանիչների վաճառքով, Ինդոնեզիայի կողմից լրացուցիչ 18 Rafale-ի պատվերի հաստատմամբ և Նիդեռլանդներին չորս Barracuda միջուկային սուզանավի վաճառքով:
Ավանդաբար, ֆրանսիական արտահանումը կենտրոնացած է Մերձավոր Արևելքի և Ասիայի վրա, սակայն 2024 թվականին պատվերների 60%-ը ստացվել է եվրոպական երկրներից, որոնք վերազինում են իրենց զինանոցները:
ԵՄ երկրներին բաժին է ընկել պայմանագրերի 41%-ը։ 2012-2021 թվականներին այդ մասնաբաժինը միջինում կազմել է 10%։ Այս շուկաներ մուտք գործելու համար Փարիզը նախընտրում է համատեղ գնումների ծրագրերն այլ եվրոպական երկրների հետ, ինչպես օրինակ Mistral զենիթային հրթիռների կամ CAESAR հրետանային համակարգերի դեպքում, ինչը հնարավորություն է տալիս ֆինանսական աջակցություն ստանալ Եվրամիությունից։
Ֆրանսիան աշխարհում զենքի երկրորդ խոշորագույն արտահանողն է՝ զգալիորեն առաջ անցնելով այս ոլորտի առաջատար Միացյալ Նահանգներից։