Տղամարդը ձերբակալվել է Գդանսկի օդանավակայանում՝ երկրից մեկնելուց անմիջապես առաջ, հաղորդում է RMF FM-ը։
Ձերբակալվածը ոստիկանության համար անծանոթ չէ. նա նախկինում պատասխանատվության է ենթարկվել խարդախության և առողջության ու կյանքի դեմ ուղղված հանցագործությունների համար։
Ձերբակալվածը Սոպոտի 41-ամյա բնակիչ է, Լեհաստանի քաղաքացի, հաղորդում է Գդանսկի մարզային ոստիկանության շտաբը։
Ըստ ոստիկանների՝ տղամարդը կասկածվում է երկրի վարչապետ Դոնալդ Տուսկին պատկանող Lexus մակնիշի մեքենան գողանալու մեջ։
Տղամարդը ձերբակալվել է այսօր՝ տեղական ժամանակով ժամը 6-ին՝ Բուլղարիա մեկնելուց անմիջապես առաջ։ Ոստիկանների կողմից անակնկալի բերվելով՝ նա չի դիմադրել։
RMF FM-ը հաղորդում է, որ իրավապահ մարմինների գործողություններին միացել է նաև սահմանապահ ծառայության հատուկ արձագանքման խումբը։