Չինական Xinhua գործակալությունը հայտնում է, որ կենսատեխնոլոգիական ռոբոտաշինության ոլորտում առաջընթացի շրջանակում չինացի գիտնականների մի խումբ մշակել է ռոբոտ, որը կարող է թռչնի պես ինքնուրույն թռիչք կատարել։
RoboFalcon2.0, անվամբ նոր ռոբոտն ընդօրինակում է թռչունների և չղջիկների թևերի շարժումները՝ նոր վերակազմակերպվող մեխանիզմի միջոցով հասնելով վերահսկվող թռիչքի։
Science Advances հանդեսում հրապարակված հետազոտության մեջ մանրամասն կերպով նկարագրվում է՝ ինչպես է ռոբոտը վերարտադրում թռչող ողնաշարավորների մոտ դանդաղ թռիչքի ժամանակ դիտարկվող FSF (թևերի թափահարում-ճոճում-ծալում) շարժումը։
Թռչող ողնաշարավորները սովորաբար օգտագործում են բարդ թևերի կինեմատիկա՝ թռչելով, վերելք և վայրէջք կատարելով, ինչը տարբերվում է միջատների թռիչքի մեխանիզմներից։ Ցածր թռիչքի արագությամբ աերոդինամիկ բնութագրերը բարելավելու համար նրանք օգտագործում են թափային դեպի ներքև շարժումներ և աերոդինամիկորեն ոչ ակտիվ թափային դեպի վերև շարժումներ։
Հյուսիսարևմտյան պոլիտեխնիկական համալսարանի գիտանականները ստեղծել են կոնաձև ղեկային մեխանիզմ, որը համատեղում է «թևերի թափահարում-ճոճում-ծալում» շարժումը թևերի մեկ ցիկլի ընթացքում՝ ընդօրինակելով ողնաշարավորների դանդաղ թռիչքի կինեմատիկան։
Ըստ հետազոտության՝ իրական պայմաններում թռիչքները հաստատել են RoboFalcon2.0-ի ինքնուրույն թռիչք կատարելու ունակությունը։
Այս նորարարական զարգացումը կարող է ոգեշնչել մշակողներին ստեղծել մանևրային, թռչունանման փոխադրամիջոցներ՝ կիրառելով ողնաշարավորների թռիչքի սկզբունքներին նման սկզբունքներ, ինչը կհանգեցնի թևերը թափահարող ռոբոտների համար ավելի կենսանմանակող դիզայնի։