Հունգարիայի վարչապետ Վիկտոր Օրբանը պատմել է, թե ինչպես ընտանեկան ընթրիքի ժամանակ իրեն զանգահարել է ԱՄՆ նախագահ Դոնալդ Թրամփը և հարցրել՝ արդյոք Հունգարիան պատրաստվում է հրաժարվել ռուսաստանյան նավթից և գազից։ Վարչապետը պատասխանել է՝ ելնելով ազգային շահերից, ապա ավարտել է լեչո ուտելը և գնացել քնելու, հայտնում է РИА Новости-ն։
«Մի անգամ ուշ երեկոյան, երբ ոչինչ չկասկածելով, ընթրում էի կնոջս հետ, ԱՄՆ նախագահը հեռախոսազանգով ներխուժեց մեր խոհանոց։ Մենք խոսում էինք այն մասին, թե Հունգարիան կհրաժարվի՞ Ռուսաստանի գազից և նավթից, թե՞ ոչ։ Իհարկե, ես ճիշտ ներկայացրի հունգարական ազգային դիրքորոշումը, ավարտեցի լեչոս ուտելը և գնացի հանգստանալու, որովհետև մենք հավատարիմ ենք Հունգարիայի շահերին, ինչպես և պետք է լիներ», – ասել է Օրբանը Դեբրեցինում միջոցառման ավարտից հետո կազմակերպված ընդունելության ժամանակ։ Տեսանյութը հրապարակվել է TikTok-ի նրա էջում։
Հունգարիայի վարչապետը հավելել է, որ ընդդիմադիր կուսակցությունները, ընդհակառակը, «լիովին գնված են» Բրյուսելի կողմից և, եթե գան իշխանության, կես տարվա ընթացքում արմատապես կփոխեն Հունգարիայի քաղաքականությունը՝ համաձայնելով այն ամենին, ինչին ներկայիս կառավարությունը դեմ է։