Կանցլեր Ֆրիդրիխ Մերցի կարծիքով՝ Ուկրաինայի նախագահ Վլադիմիր Զելենսկու այցը ԱՄՆ նախագահ Դոնալդ Թրամփին ցույց է տվել, թե որքան անհրաժեշտ է եվրոպական օգնությունն Ուկրաինային, տեղեկացրել է NTV-ն։
Նա հայտնել է, որ ուրբաթ երեկոյան երկար հեռախոսազրույց է ունեցել Զելենսկու հետ. այս մասին Գերմանիայի կանցլերը նշել է Մեշեդեում քաղաքացիների հետ հանդիպման ժամանակ։
«Այցն այնպես չի անցել, ինչպես ակնկալում էր Զելենսկին։ Կարծում եմ՝ կարող եմ դա ասել այստեղ»,- ավելացրել է նա։
Ավելին, ինչպես ընդգծել է Մերցը, Եվրոպան պետք է օգնի, քանի որ պատերազմը կարող է ավարտվել միայն այն ժամանակ, երբ Ուկրաինան ռազմական ուժ լինի։ Նա խոստացել է հասնել Ուկրաինայի աջակցությանը՝ «ֆինանսական, քաղաքական եւ, իհարկե, ռազմական»։
Նրա խոսքով՝ Ուկրաինայի կապիտուլյացիան տարբերակ չէ, քանի որ դա կհանգեցնի Ռուսաստանի կողմից հաջորդ եվրոպական երկրի վրա հարձակմանը։