Իսրայելի վարչապետ Բենիամին Նեթանյահուի կառավարության քննադատությանը ի պատասխան, որը հնչել է Արևմտյան ափի մի մասը բռնակցելու մասին Քնեսեթի օրենքի ընդունման ժամանակ, երբ ԱՄՆ փոխնախագահ Ջեյմս Դեյվիդ Վենսը գտնվում էր երկրում, Թրամփի վարչակազմի բարձրաստիճան պաշտոնյան Times of Israel-ին հայտարարել է. «Իսրայելցիները չեն կարող մեզ հետ վերաբարվել այնպես, ասես մենք ջոբայդեններն ենք»։
Նեթանյահուն պարբերաբար բախվում էր ԱՄՆ նախկին նախագահ Ջո Բայդենի՝ հունվարին ավարտված վարչակազմի հետ, դեմոկրատական Սպիտակ տանը մեղադրելով հանուն ներքին քաղաքական շահերի թշնամացնելու փորձերի մեջ։
ԱՄՆ բարձրաստիճան պաշտոնյայի կողմից Բայդենի հետ համեմատություն անցկացնելու որոշումը միաժամանակ հիշեցրել է Օբամայի վարչակազմի օրոք 2010 թվականի ԱՄՆ-Իսրայել մեկ այլ ընդհարման մասին, երբ ճիշտ այն ժամանակ, երբ փոխնախագահ Բայդենը քաղաքում էր, Իսրայելի Ներքին գործերի նախարարությունը հայտարարեց, որ Արևելյան Երուսաղեմի հրեական թաղամասում կառուցվելու է 1600 բնակարան։