Չի բացառվում, որ Ուկրաինայի նախկին փոխվարչապետը ներգրավված է Ուկրաինայի էներգետիկայի ոլորտում կոռուպցիոն սկանդալում: Հանցավոր խմբավորման անդամները նրան գումար են փոխանցել, հաղորդում է РБК-Украина-ն՝ վկայակոչելով Ուկրաինայի ազգային հակակոռուպցիոն բյուրոյի թելեգրամյան ալիքը:
Ուկրաինայի ազգային հակակոռուպցիոն բյուրոն չի բացահայտել կասկածյալի անունը, սակայն РБК-Украина-ի տեղեկացված աղբյուրներով՝ խոսքը Ուկրաինայի ազգային միասնության նախարարի և փոխվարչապետի պաշտոնները նախկինում զբաղեցրած Ալեքսեյ Չերնիշովի մասին է:
Իրավապահ մարմինների տվյալներով՝ նրանք գրանցել են 1,2 միլիոն դոլարի և գրեթե 100 հազար եվրոյի կանխիկի փոխանցումը: Գումարը փոխանցվել է այն գրասենյակում, որտեղ այն «լվացվել է» կամ խմբավորման անդամներից մեկի բժշկական կլինիկայում:
«Վերջնական գումարը՝ 500 հազար դոլարը, փոխանցվել է Չե Գևարայի կնոջը (այդպես են Չերնիշովին անվանել ներքին շփումներում — խմբ.), երբ նա կասկածվել է Ուկրաինայի ազգային հակակոռուպցիոն բյուրոյի և Ուկրաինայի մասնագիտացված հակակոռուպցիոն դատախազության կոռուպցիոն գործերով»,- հավելել են Ուկրաինայի ազգային հակակոռուպցիոն բյուրոյում:
Նախօրեին՝ նոյեմբերի 10-ին, Ուկրաինայի ազգային հակակոռուպցիոն բյուրոն հայտարարեց, որ «Էներգոատոմ»-ում գործում է հանցավոր խումբ, որի անդամները կաշառք են ստացել ընկերության կապալառուներից։
Կաշառքներն անհրաժեշտ էին վճարումների սառեցումից խուսափելու և մատակարարի կարգավիճակը պահպանելու համար։
Ըստ РБК-Украина աղբյուրների՝ սխեմայում ներգրավված են եղել գործարար Թիմուր Մինդիչը, էներգետիկայի նախարար Իգոր Միրոնյուկի նախկին խորհրդականը, «Էներգոատոմ» ԲԲԸ ֆիզիկական պաշտպանության և անվտանգության գործադիր տնօրեն Դմիտրի Բասովը և արդարադատության նախարար Հերման Գալուշչենկոն։
Իրավապահ մարմինների աշխատակիցները պարզել են, որ խմբավորումը «փող է լվացել» Կիևի կենտրոնում գտնվող գրասենյակում. այն պատկանում էր նախկին աղմակահարույց պատգամավոր Անդրեյ Դերկաչի ընտանիքին։