Մայր Աթոռում ակցիաներն ավարտվեցին. ոստիկանները նույնպես հեռացան

Մայր աթոռում իրավիճակը քիչ առաջ հանդարտվեց։

Կաթողիկոսի աջակիցները եւ Փաշինյանի «ուղարկած» մարդիկ հեռացան տաճարի տարածքից, որից հետո հեռացան նաեւ ոստիկանները։

Հիշեցնենք, որ դեկտեմբերի 17-ին Նիկոլ Փաշինյանին աջակցող 10 եպիսկոպոսների կողմից տարածած հայտարարության մեջ վերջիններս կոչ են արել քաղաքացիներին դեկտեմբերի 18-ին, ժամը 17:00-ին, միանալ իրենց Մայր Աթոռ Սուրբ Էջմիածնում և պահանջել Ամենայն հայոց կաթողիկոս Գարեգին Բ-ի հրաժարականը:

Դրանից հետո Արագածոտնի թեմը, որի առաջնորդը կալանավորված բարձրաստիճան հոգևորականների շարքում է, հայտարարություն տարածեց՝ Բյուրականի Սուրբ Հովհաննես եկեղեցում նախատեսված միասնական ժամերգությունը տեղափոխելով Մայր Աթոռ Սուրբ Էջմիածին:

Գրեթե բոլոր ընդդիմադիր ուժերի ներկայացուցիչները հայտարարել են պատարագին իրենց մասնակցության մասին: