Վարչապետ Բենիամին Նեթանյահուն կիրակի օրը հայտարարել է, որ Իսրայելը աջակցում է «վճռական գործողություններին», որոնք ձեռնարկել է Միացյալ Նահանգները Վենեսուելայում։ Այս հայտարարությունը նա արել է մեկ օր անց այն բանից հետո, երբ ամերիկյան զորքերը ռազմական գործողության ընթացքում առևանգեցին նրա առաջնորդ Նիկոլաս Մադուրոյին, հայտնում է AFP-ն։
«Ինչ վերաբերում է Վենեսուելային, ես կուզենայի արտահայտել կառավարության ամբողջական աջակցությունը Միացյալ Նահանգների վճռական որոշմանը և որոշիչ գործողություններին՝ աշխարհի այս տարածաշրջանում ազատությունն ու արդարությունը վերականգնելու համար», – ասել է Նեթանյահուն նախարարների կաբինետի նիստի բացման ժամանակ։
Հիշեցնենք, որ հունվարի 3-ին ամերիկյան զինված ուժերը մի շարք հարվածներ են հասցրել Վենեսուելայի մայրաքաղաքին և երկրի այլ վայրերին, իսկ ԱՄՆ հատուկ նշանակության ջոկատն առևանգել է Մադուրոյին կնոջ հետ միասին և տեղափոխել ԱՄՆ, որտեղ նրանք պետք է կանգնեն դատարանի առաջ՝ «թմրա-ահաբեկչական դավադրության» մեղադրանքով։