ՀՀ արտգործնախարարությունը ցավակցություն է հայտնել հունվարի 18-ի երեկոյան Իսպանիայում տեղի ունեցած երկաթուղային վթարի կապակցությամբ։
«Խորապես վշտացած ենք Իսպանիայի հարավում տեղի ունեցած երկաթուղային վթարի լուրից։ Մեր անկեղծ ցավակցությունն ենք հայտնում իրենց սիրելիներին կորցրած ընտանիքներին և մաղթում ենք արագ և լիակատար ապաքինում այս ողբերգական միջադեպի հետևանքով վիրավորված բոլոր անձանց»,- ասվում է նախարարության X սոցիալական ցանցում տարածած հայտարարության մեջ։
Գնացքային վթարը տեղի է ունեցել հունվարի 18-ին՝ տեղական ժամանակով 19:45-ին, Իսպանիայի հարավում՝ Անդալուսիայի Ադամուզ քաղաքի մոտակայքում։ Մալագայից Մադրիդ մեկնող արագընթաց գնացքի վագոնները դուրս են եկել գծերից և հայտնվել Մադրիդից Ուելվա մեկնող գնացքի հակառակ կողմում։ Զոհվել է առնվազն 39 մարդ։