Բելառուսի նախագահ Ալեքսանդր Լուկաշենկոն ցավակցություն է հայտնել Իրանի նախագահ Մասուդ Փեզեշքիանին Իրանի գերագույն առաջնորդ Ալի Խամենեիի մահվան կապակցությամբ։
«Խոր ցավով և վշտով Բելառուսի Հանրապետությունը ստացավ Իրանի Իսլամական Հանրապետության գերագույն առաջնորդ Ալի Խամենեիի դավաճանական հարձակման հետևանքով մահվան ողբերգական լուրը,- ասված է ցավակցության մեջ։ -Տասնամյակներ շարունակ նա ծառայել է ժողովրդին՝ միշտ առաջնորդվելով ավանդույթների նկատմամբ հավատարմությամբ և ապագա սերունդների նկատմամբ պատասխանատվությամբ։ Նրա իմաստությունն ու հեռատեսությունը նրան բարձր ճանաչում բերեցին և վաստակեցին արժանի հեղինակություն երկրի սահմաններից շատ ավելի հեռու։ Հոգևոր առաջնորդը մինչև վերջին շունչը հավատարիմ մնաց իր ժողովրդին և քաջաբար ընդունեց նահատակի մահը՝ պաշտպանելով Իրանի ինքնիշխանությունն ու անկախությունը։
Ալի Խամենեիի հիշատակը և երկրին նրա ծառայությունը կմնան միլիոնավոր մարդկանց սրտերում։ Նրա կյանքը կմնա Իրանի ազգային ժառանգության մաս և համաշխարհային պատմության կարևոր գլուխ։
Այս վշտի պահին բելառուս ժողովրդի և իմ անունից հայտնում եմ իմ անկեղծ ցավակցությունն ու աջակցությունը։ Մենք կիսում ենք այդ կորստի ցավը և համերաշխություն ենք հայտնում Իրանին այս դժվարին պահին»,- ասված է ցավակցության մեջ։