Իրանի գերագույն առաջնորդ այաթոլլա Մոջթաբա Խամենեին հայտարարել է հակառակորդների՝ Իրանի դեմ տեղեկատվական արշավի մասին, հայտնում է իրանական Fars գործակալությունը:
Գերագույն առաջնորդը նշել է, որ «հայրենակիցների շրջանում առաջացած արտակարգ միասնության արդյունքում թշնամու շարքերում ճեղքեր են հայտնվել»։
«Եթե մենք գործով երախտապարտ լինենք այս բարիքի համար, համախմբվածությունն էլ ավելի կամրապնդվի ու կհզորանա, իսկ թշնամիներն էլ ավելի նվաստացած ու անզոր կդառնան:
Թշնամու տեղեկատվական-մեդիա գործողությունները, որոնք թիրախավորում են մարդկանց գիտակցությունն ու հոգեբանական վիճակը, նպատակ ունեն խարխլելու միասնությունն ու ազգային անվտանգությունը: Չի կարելի թույլ տալ, որ մեր անփութության պատճառով այդ չարամիտ մտահղացումն իրականություն դառնա»,- Մոջթաբա Խամենեիի խոսքերն է մեջբերում լրատվամիջոցը:
