Ռուսաստանի նախագահ Վլադիմիր Պուտինը և Իրանի նախագահ Մասուդ Փեզեշքիանը սերտ կապ են պահպանում Իսլամական Հանրապետության դեմ ԱՄՆ-ի և Իսրայելի ագրեսիայի սկզբից ի վեր։ Դրա մասին հայտարարել է Մոսկվայում Իրանի դեսպան Կազեմ Ջալալին, հայտնում է ТАСС-ը։
«Ինչ վերաբերում է մեր քաղաքական փոխգործակցությանը, մեր հարաբերությունները շարունակում են [զարգանալ] միջազգային կազմակերպությունների շրջանակներում։ Մեր նախագահները շատ լավ կապ են պահպանում։ Երկու երկրների արտաքին գործերի նախարարների [Սերգեյ Լավրովի և Աբբաս Արաղչիի] միջև նույնպես շատ ամուր հարաբերություններ կան»,- ասել է նա լրագրողներին Իսլամական Հանրապետության Բանակի օրվա առթիվ կազմակերպված ընդունելության շրջանակում։
Ըստ դիվանագետի՝ Պուտինը և Փեզեշքիանը երեք անգամ հեռախոսազրույց են ունեցել Իրանի դեմ ԱՄՆ-ի և Իսրայելի ռազմական գործողության մեկնարկից ի վեր։
